بالفيديو رابطة محبي وعشاق الاهلي في فلسطين تكرم والده اللاعب محمد عبد الوهاب

مريم نعوم: تعديل الدستور يمنع زويل والباز ويعقوب من الترشح للرئاسة

أبدت السيناريست الشابة مريم نعوم اعتراضها الشديد على شرط عدم الزواج
من أجنبية للترشح لرئاسة الجمهورية، وفق التعديلات الجديدة التي أقرتها
لجنة تعديل الدستور برئاسة المستشار طارق البشري.

وقالت مريم في صفحتها على "الفيس بوك"
: " عندي سؤال.. لمصلحة مين المادة في الدستور الخاصة بازدواج الجنسية؟ ..
حاجة غاية التعسف. أنا مثلاً عندي جنسية تانية عشان أهلي سافروا قبل ما
يخلفوني .. ومارحتش البلد التانية دي غير مرة واحدة في حياتي .. وبالتالي
محرومة من حق من حقوقي. هل أنا أقل مصرية أو وطنية من الآخرين؟.
وأضافت:
وبعدين اغلب الشخصيات المتعلمة تعليم رفيع في جميع المجالات سافروا وعاشوا
برة فترات طويلة عشان يتعلموا في الوقت اللي مصر ماكنش فيها تعليم ..
والدول اللي اتعلموا فيها ادتهم جنسيتها لأن دي قوانينهم .. مش بالواسطة
يعني عشان هما بيروجوا لسياسات الدول الاجنبية دي. مش زينا .. قعدنا نحارب
عشان أبناء المصريات ياخدوا الجنسية أصلاً.
وتابعت: هو إحنا عشان
طالعين من أنظمة تآمرية .. نفترض التآمر في كل واحد سافر اتعلم بره ورفع
راسنا، وفي كل واحد وقع على بوزه وحب أجنبية .. إيه ضيق الأفق ده؟..يعني
أحمد زويل ومجدي يعقوب
وفاروق الباز والناس دي مشكوك في وطنيتهم .. والناس اللي فضلوا هنا يمصوا
في دمنا هما اللي يستاهلوا الرئاسة. من حق كل مصري مهما كان عدد جنسياته
الأخرى الترشح على شرط إنه يفصح عن الجنسيات الأخرى دي .. أو إنه يتنازل
عنها .. لكن واحد مثلاً امه اجنبية عاشت في مصر طول عمرها يبقى نص مصري؟ دي
أصلاً مادة ضد مادة المواطنة".

» الدستور يمنع زويل من الترشح للرئاسة ويدعم البرادعي
» صحافة القاهرة اليوم: "الحرية والعدالة" حزب الإخوان المسلمين ومفتوح للجميع.. ورياح الثورة تكتسح نظام القذافى.. و"الباز": لست رجلاً سياسياً وجيلى فشل فى إحداث التغيير.. و"زويل": أفكر فى الترشح للرئاسة
» "البسطويسى": لن أتراجع عن الترشح للرئاسة إلا بعد طلوع روحى
» صحافة القاهرة اليوم: إلغاء جهاز أمن الدولة المرعب.. ومرشح عسكرى للرئاسة: محاكمة مبارك ليست إهانة للجيش.. وتورط عز وعزمى ونجل مبارك وأبو العينين فى موقعة الجمل.. والزمر: الجماعة تدرس الترشح للرئاسة
» جمال مبارك: كنت أنوي الترشح للرئاسة