نقاش أسباب فشل الأهلي في الفوز على شبيبة القبائل الجزائري



حقق الأهلي اليوم نتيجة مخيبة للآمال ، حيث تعادل إيجابياً مع شبيبة القبائل الجزائري بهدف لكل فريق ضمن منافسات الجولة الرابعة لدوري أبطال أفريقيا، ليرفع رصيده من النقاط إلى الرقم 5 ويرتفع رصيد شبيبة القبائل إلى 10 نقاط في الصدارة وحيدا ويضمن تأهله لدور نصف النهائي.

فشل الأهلي في تحقيق الفوز رغم لعب الفريق الجزائري أكثر من نصف اللقاء وهو ناقص العدد بسبب طرد أحد اللاعبين.

ورغم سيطرة الأهلي المطلقة على الشوط الثاني من المباراة والفرص السهلة الكثيرة التي أتيحت له إلا أنه فشل في التسجيل ليواص أداءه المخيب والغير متوقع في الفترة الأخيرة.

ترى ما هو السبب في هذه النتيجة التي آلت له المباراة هل هو حسام البدري المدير الفني أم اللاعبين أم غياب التوفيق أم جميعهم؟

والله الواحد مخنوق واتحرق دمه

حاجة تخنق وتنرفز جدا

انا من وجهة نظرى ان اسباب فشل الاهلى فى الفوز هو :

ان حسام البدرى اثبت انه لا يفقه شيء فى التدريب

يعنى ايه فى مبارة عصبية زى دى تلعب بـ شهاب ؟؟؟

ويعنى ايه احمد حسن ( عنصر الخبرة ) يكون قاعد على الدكة ؟؟؟

ويعنى ايه تلعب بمهاجم وحيد بس ( فضل ) ومن تحته 4 صناع لعب ؟؟؟

ويعنى ايه محمد شوقى يكون على الدكة وحسام عاشور يلعب وهو راجع من اصابة ؟؟؟

وايه معنى انك تخرج ابوتريكة علشان تنزل احمد حسن ؟؟؟؟

وليه شريف عبدالفضيل ملعبش فى الجهة اليمين مكان احمد فتحى من الاول

واحمد فتحى يرجع باك ؟؟

...................................

سؤال شخصى ليك يا كابتن حسام

انت اخدت بالك ان المنافس كان بيلعب 10 لعيبة من الشوط الاول ؟؟

ولا الصيام كان مأثر عليك ؟؟؟؟

ياريت ادارة الاهلى تاخد موقف وتجيب مدرب مدرب مدرب مدرب مدرب

مدرب مدرب مدرب مدرب مدرب مدرب مدرب

والله الاهلى عايز مدرب

الاهلى فريق بلا مدرب



اعتقد ان الفريق دا بنجومه دول لو معاهم مدرب صح زى جوزيه

كنا هناخد اى بطولة واحنا واثقين

حرقت دمنا الله يـ....... يسامحك

مع احترامى الشديد لكلام سيادتك يا ادمن

تعالى معايا نتكلم فى الموضوع دا بمنطقيه ..... اوكـ ؟؟

انت فى مبارة عصبية جدا ومطلوب منك انك تفوز

ومش انك تفوز وبس لاء دا مطلوب انك تفوز بفارق اهداف مريح

واداء ممتع للجماهير

وانك تثبت انك الاقوى فى المجموعة دى

وانك ترد كرامتك اللى راحت منك فى مباراة الذهاب

تعمل ايه ؟؟؟؟

تلعب من بداية المباراة بـ شهاب ( وهو مش متعود على المباريات اللى فيها ضغط جماهيرى )

واحمد حسن قاعد على الدكة ؟؟؟؟

تلعب بـ مهاجم واحد وانت على ارضك وبين جماهيرك

حتى بعد ما اتطرد لاعب من المنافس ؟؟؟

تعمل تغيير مهاجم بمهاجم ولاعب وسط بلاعب وسط ؟؟؟

تطلع ابوتريكة وهو احد افضل اللاعبين فى المباراة ؟؟؟

يبقا معاك 9 لاعبين ( على الاقل ) بيلعبوا اساسيين فى المنتخب ...

وتتغلب هناك وتتعادل على ارضك ؟؟

فين ما يسمى بـ الخطة والخطة البديلة ؟؟؟؟

ازاى تلعب بـ فضل وهو لسه راجع من اصابة

ولما تغيره تنزل اسامة اللى مش بيلعب خالص ؟؟؟

فين شخصيتك ولمستك الفنية فى الملعب ؟؟؟؟

فين الخطة اصلا ؟؟؟؟

................................

الموسم اللى فات احنا كنا بنسانده لانه كان لسه بـ يقف على رجله

وكنا معاه على الحلوه والمرة

واخترعنا اعذار وحجج علشان نصدق انه كويس

والحمد لله الموسم عدى على خير بتوفيق ربنا ودعوات الجماهير

ومباراة الاتحاد اصلا كان المفروض انك ماتخسرش هناك

وهنا على ارضنا كسبنا بطلوع الروح ودعوات الجماهير

مباراة الاسماعيلى كسبنا بردو بالتوفيق ودعوات الجماهير

اتعادلنا مباراتين فى الدورى من اصل 3 مباريات

ياترى ايه تانى هيحصل ؟؟؟؟؟؟؟؟؟



من وجهة نظرك يا ادمن

هل هو دا الاهلى اللى احنا عارفينه ؟؟؟؟



انا واحد من الناس مش متفائل اننا ناخد البطولة طول ما البدرى موجود

احنا عايزين مدرب ذو شخصية قيادية قوية ... مش مدرب ذو شخصية ترهيبيه



واسف على الاطالة