مصطفى يونس : "محدش يزايد على حبي للاهلي ..وكانت معايا وثائق تدين حمدي والخطيب











تسببت مداخلة هاتفية اجراها
مشجع " ألتراس اهلاوي " مع الكابتن مدحت شلبي على قناة مودرن سبورت، على
هامش تحليل مباراة الزمالك وطلائع الجيش في افتتاح الجولة الـ 25 لبطولة
الدوري الممتاز في إحراج ضيفي البرنامج الكابتن إبراهيم يوسف نجم الزمالك
السابق، والكابتن مصطفى يونس نجم دفاع الاهلي السابق .
وسمح
مدحت شلبي للمشجع باجراء مداخلة هاتفية، تطرق خلالها الى ضرورة ان تلتزم
جماهير النادي الاهلي بعدم الهتاف ضد نادي الزمالك، او مسئوليه بعد ان ظهرت
جماهير النادي الابيض نظيفة للغاية في تشجيعها اليوم امام طلائع الجيش، في
المباراة التى انتهت بالتعادل السلبي، وطلب من المشجع ان تحذو جماهير
الاهلي حذو "الوايت نايتس" في مباراة الغد امام انبي وطالبهم بالتشجيع
المثالي والبعد عن السباب، الذي ظهر واضحا في لقاء الفريق السابق عندما
هتفت ضد جماهير النادي الإسماعيلي والتوأم (مدير ومدرب الكرة في الزمالك)
ونجم الفريق شيكابالا .
وطالب
المشجع ان يلتزم محمود عبد الرازق " شيكابالا" نجم نادي الزمالك
بالسلوكيات المناسبة وعدم تحريض الجماهير بالهتاف ضد النادي الاهلي، لان
هذه الهتافات من شأنها أن تزيد من التعصب، وبالتالي تدفع جماهير النادي
الاهلي للرد على هذه الهتافات.
وتطرق
المشجع الى الحديث عن الكابتن مصطفى يونس وطلب منه " عدم انتقاد النادي
الاهلي في برنامجه "هنا القاهرة", واستغرب كيف ينتقد اللاعب النادي صاحب
الفضل عليه وقال له: "بلاش تتكلم كده عن النادي الاهلي ومينفعش تنقد
النادي بالشكل ده".
وهنا
تدخل ابراهيم يوسف موجها اللوم للكابتن مدحت شلبي الذي سمح له بالحديث
قرابة الربع ساعة وانتقد خلالها كابتن النادي الاهلي السابق قائلا:"مينفعش
ياكابتن مدحت تسمح لواحد انه ينتقد ضيف البرنامج بهذا الشكل , ومين ده اللى
بيتكلم وينتقد مصطفى يونس كابتن النادي الاهلي , وهنا تدخل الكابتن مصطفى
يونس غاضبا مؤكدا ان ": محدش يزايد عليا في حبي للنادي الاهلي ولا حتى
الخطيب ولا الكابتن حسن حمدي , وطول ما أنا شايف حاجات مش عجباني في النادي
الاهلي لازم اسلط عليها الضوء وده بدافع حبي للنادي اللى اتربيت فيه ..
وبعدين مين ده اللى بينتقدني.. خريج ايه .. بيتشغل ايه علشان ينتقدني بهذا
الشكل .. الشخص ده بيتكلم بدافع للون الاحمر ".
وفجر
مصطفى يونس مفاجأة قائلا :" انا أتعرضت عليا وثائق تدين النادي الاهلي
الخاصة بملاحظات الجهاز المركزي للمحاسبات في الحلقة اللى قدمها محمد شبانة
في برنامجه " كورة اون لاين " وقعدت يومين افكر إزاي انا حطلع واقف قدام
حسن حمدي والخطيب بهذه الوثائق , وانا اخدت رأيك ياكابتن مدحت في الموضوع
ده وانت ايدت وجهة نظري , فتركت الوثائق لمحمد شبانة اللى استخدمها في
البرنامج بتاعه , وفي الاخر يجي واحد "لا طلع ولا نزل" ينتقدني ويزايد على
حبي للنادي الاهلي .. كده ماينفعش ياكابتن مدحت.