bosy
نائب المدير
الدولة : مصر
عدد المساهمات : 13492
تقيم المشاركات : 0
تاريخ التسجيل : 19/04/2010
العمر : 35
 | موضوع: اعملى الرنجة .. بطرق جديدة جدااا  الإثنين أبريل 25, 2011 8:26 am | |
| اعملى الرنجة .. بطرق جديدة جداااالوصفة الاولى : رنجة بالمسطردة
المقادير:
4 رنجات بصلة 1/ 4 كوب خل 1/ 4 كوب ميه ملح وفلفل أسود 2 ملعقة مسطردة فلفل ملون مفروم صغير 1/ 2 حزمة شبت مفرومة
الطريقة:
1- أول حاجة هتنقعي الرنجة في ميه مغلية لمدة 2 : 3 دقائق علشان تنزل الميكروبات.
2- نظّفي الرنجة وانزعي منها السلسلة والجلد والرأس والذيل، واقسميها نصفين.
3- قطّعي البصل حلقات رفيعة ورصّيها فوق الرنجة.
4- اخلطي الخل والميه والفلفل الملوّن المفروم والشبت المفروم والفلفل الأسود والمسطرده واطبخيهم على النار لمدة 6 : 8 دقائق.
5- سيبي الخليط ده يبرد وصبّيه على الرنجة وغطّيها وحطيها في الثلاجة مدة كافية علشان الرنجة تتشرّب الصوص، وبالهنا والشفا.
[size=25]الوصفة التانية : رنجة بالكريمة
[/size]
( و ديه هخلى ماما تعملها بقى )
4 رنجات 2 بصل ليمونة 1/ 2 كوب زيت كوب كريمة طهي ملعقة صغيرة سكر 3/ 4 كوب عصير ليمون
الطريقة:
1- انقعي الرنجة في ميه مغلية لمدة 2 : 3 دقائق، وبعدين نظّفيها واخليها.
2- اقسمي الرنجة نصفين وحطّيهم في قالب عميق، وحطّي بينهم شرائح رفيعة من البصل وشرائح الليمون.
3- اخلطي عصير 3 ليمونات مع السكر والزيت وصبّيهم على الرنجة.
4- غطّي الرنجة وحطّيها في الثلاجة لمدة نصف يوم أو يوم كامل.
5- طلّعيها من الثلاجة وصفّيها من السائل، وبعدين خدي 4 ملاعق كبيرة من السائل ده واخلطيه مع الكريمة.
6- عند التقديم صبّي الكريمة على شرائح الرنجة وزينيها بالبقدونس.. وبالهنا والشفا
الوصفة التالتة : رنجة بالخل والسكر
( ديه زى بتاعت بلبع بتاع اسكندرية )
المقادير:
4 رنجات كوب خل كوب سكر 2 ثمرة جزر بصلة صغيرة 1 و 1/ 2 كوب ميه فلفل أسود وأبيض 2 ملعقة صغيرة مسطردة
الطريقة:
1- انقعي الرنجة في ميه مغلية لمدة 2 : 3 دقائق، وممكن تنقعيها في لبن علشان تتخلصي من الملح الزيادة.
2- نضّفيها واخليها بس سيبي الجلد فيها وقطّعيها لشرائح رفيعة.
3- اخلطي الميه والسكر والخل والمسطردة والفلفل، وحطّيه على النار لحد ما يغلي، وبعدين ارفعيه وسيبيه يبرد.
4- رصّي الرنجة وحلقات البصل والجزر في قالب وصبّي عليهم الخليط، بحيث إنه يغطي الرنجة كلها.
5- سيبي الرنجة في الثلاجة مدة كافية لحد ما تتشرّب من الخليط كويس، وقدّميها.. بالهنا والشفا.
[size=25]الوصفة الراابعة : سلطة الرنجة
[/size]
المقادير:
2 ثمرة جزر 2 ثمرة بنجر خيار مخلل فلفل أبيض حبة بصل صغيرة رنجة متوسطة مخلية 2 ثمرة بطاطس متوسطة
لعمل الصوص:
كوب كريمة أو زبادي ملعقة عصير ليمون 2 ملعقة عصير بنجر سكر ملح
الطريقة:
1- اسلقي البطاطس والجزر في حلة، واسلقي البنجر في حلة تانية.
2- قشّريهم وقطّعيهم مكعبات أو أي شكل تحبيه، ومعاهم البصل والخيار المخلل والرنجة واخلطيهم مع بعض.
3- اخلطي مكونات الصوص كويس وصبّيها على السلطة، وحطّي عليها مكعبات البنجر قبل التقديم على طول.. وبالهنا والشفا.
اخرر وصفة بقى
[size=25]معجون الرنجة
[/size]
المقادير:
كيلو رنجة 1/ 2 كوب طحينة 3 ثمرات طماطم 2 فلفل حامي كمون وشطة عصير ليمون بصلة صغيرة زيت وخل
الطريقة:
1- اسلقي الرنجة في ميه مغلية لمدة 2 : 3 دقيقة علشان تقتلي الميكروبات والبكتيريا.
2- نضّفيها وانزعي منها الشوك والجلد واخليها تماما وقطّعيها قطع صغيرة.
3- قطّعي عليها البصل والطماطم والفلفل وحطّي معاهم الطحينة والخل والكمون والشطة واضربيهم في الخلاط.
4- هيطلع معاكِ معجون رنجة وعند التقديم حطي عليه زيت وعصير ليمون، وقدّمي معاه عيش محمص.. وبالهنا والشفا.
ملحوظة:
ممكن تحطّي معاها البطارخ، وممكن تعملي البطارخ بالطريقة دي لوحدها من غير رنجة.
| |
|
حبيبه
اهلاوي ماسي
الدولة : مصر
عدد المساهمات : 15572
تقيم المشاركات : 2
تاريخ التسجيل : 02/07/2010
العمر : 33
: : 
| | موضوع: رد: اعملى الرنجة .. بطرق جديدة جدااا الإثنين أبريل 25, 2011 10:28 pm | |
| ما عملناها وكلناها كمان يا بوسي
هههههههههههههههههههه
كل سنة وانتي طيبة
يسلموووووووووووو | |
|
bosy
نائب المدير
الدولة : مصر
عدد المساهمات : 13492
تقيم المشاركات : 0
تاريخ التسجيل : 19/04/2010
العمر : 35
| | موضوع: رد: اعملى الرنجة .. بطرق جديدة جدااا الإثنين أبريل 25, 2011 10:31 pm | |
| هههههههههههههههههههههههههههههههه
وانتى طيبه ياحبيبه
| |
|
