حلفاوى قاعد عاطل استلم رسالة من ود اختو كاتب ليهو يا خالى رسل لى شنطة العرس وقروش لاننى قررت ان ادخل القفص الذهبى طبعا الحلفاوى عاطل قال يعنى عشان انت تدخل القفص الذهبى انا ندخل السجن
حلفاوى مطول من السودان استلم رسالة من خطيبتو والخطيبة كاتبه ليهو ، يا حبيبى لقد تأخرت كثيرا فقال والله عجيبة تاخرت كثيرا ليه انا اصلو مأجر منك عجلة
حلفاوي ولدو عيان سألوهو أها ولدك بقى كيف؟؟
قال ليهم كويس والله الليلة سب دين.
حلفاوى ترزي كل ما يخيط هدوم للزباين ويختها في الدولاب يجي فار يقدها
عمل ليهو شرك وقبضو
وقصقص رجولو الاربعة
وقال ليهو يلا من دربك دا امشي ديوان الزكاة خلي يصدقوا ليك كرسي .
حلفاوى مشى يشترى خروف الضحيه. سال ياشيخ العرب الخروف بى كم؟ قال ليه بى 240 ماقال جنيه ولا الف . الحلفاوى عاين ليه كده وقال 240 دى السعر ولا السرعه!!!!!!!!
حلفاوى مشى الكمبو اشترى خروف ضارب مشق تماااااااااااااااااااااااااااام. سمين ونظيف اكتر من سيدوا ظااااااااااااااااااااااااااطو وداه البيت الاولاد سالوهو يابابا جبت الخروف ده من وين؟ قال ليهم من الكمبو (الكمبو حتات المريسه والعرقى) قام الولد قال ليه يابابا ده لو ضبحناهو بيكون حرام . قال مامشكله نديه اربعين جلده ونضبحو
قالوا الحلفاوي سالوه يا محمد صالح انت متزوج ؟ قال لهم ايوة انا متزوج واحد مرة .. قالوا ليهو انت جنيت في زول بتزوج راجل ؟ قال لهم ايوة فاطمة اختي متزوج واحد راجل .