و أنا بفتش في ( الموســوعةالحــرة ) ( wikipedia) عن موضوع معين..
طلعت لي فجأة صفحة لترتيب الدول العــربية من حيث عـدد الســكان..
الصفحة باللغة الأنجليزية.. بفضــول دخلت الصفحة عشان أشوف السودان بقي وين في الترتيب.. لحـد هنا ماشين عادي
لكـــن
بعـد معاينة الصفحة.. اندهشت كثيرا.. ما لقيـــت أســم الســودان أصـلا
قــلت,, يمكن لســع ما عـــّدونا.. ما مشكلة

ولكــن.. لما نــزلت في القائمة الى أســفل
لقيـــت ( دولــة جنــوب الســـودان)
في المرتبة العاشــرة كمان(عدد سكانها(8260490) نسمة
وكمان .. لقيت دولة(عربية) لم أسمع بها (كدولة) إسمها( الصحراء الغربية)

الحكاية.. طبعا أغاظتني شـديد.. ســبت موضوعي الجيت كايس عليه ودخلت في
البحث عن هــذا الموضـــوع..
وفجــاة راودتني الفــكرة أن أزيد في البحــث ورحــت أفتش بإســتخدام
اللغـة العــربية .. ما نحن عــرب.. لازم نستعمل لغتنا..
وكان أحســاسي في محله
لقيت قائمة باللغة العربية لنفس الموضوع اسم السودان موجــود..

إتحـــيرت شـــوية.. وســألت نفســي.. أســئلة كتيرة جــدا.. أهمها
ليــه.. هنا موجــود.. وهناك لا..؟؟ ليه هناك سحبوا أسم السودان وضمنوا الجنوب؟؟
وليه كاتبين اسم (دولة الصحراء الغربية) هناك رغم أنهم (الأثنين) ما موجودين في القائمة بالعربية..؟؟ وليه .. وليه.. وليه ؟؟؟؟؟؟؟ هل هذا يعني أن القائمة بالعربية معروضة للعــرب فقط .. وبالأنجليزية خاصـة بالغــرب( الخواجات)..؟؟ مش عارف والله.. أكيــد في شيء وراء الموضوع ..حيران والله على هذا الموقع الذي نتوقع أن يكون في غاية الأمانة.. وهي تعتبر(موسوعة)
اللــه يوســـع رزقنا.. ويوســع دائرة محبتنا بين الدول ويبعد عننا( متل زي دولة)
وإذا عندكم شيتا تفك حيرتي ..ما بخلوا عليّ.. لو عايزين ترجعوا للمعلومة(ابحثوا في (الموسوعة الحرة) أصلي ما بعرف انقل ليكم الرابط
في أمان الله