دي حكاية جــديدة.. ( لنـج).. مناصر للمـرأة .. وحقــوقها....!!


( الحكّـــامة).. ( مريوم بت أبكر) قالت وهي توصي بنيتا
:


بنـيتي حســــابك..
نضمــي أســــــمعا..
ونضــم راجـل أوعى تســـمعا..

بنيــتي حســـابك..
كان قـال و لا عنـدو.. أوعى تصــدقا..
غفليهــو وبنطلــونو .. فتشــــا ..
رجـال زمن دا جـنــو ..يغشــغشا..

بنــيتي حســـابك..
راجـل كان جـــر ا منك .. في ضنبو أمســكا ..
وأي نضـم يقولـو ليك .. حكحــكا..

بنــيتي حســــابك..
راجــل كان نضم في موبايل.. إتلبــدا..
ونضــم كلــــو .. أســـــمعا..
باكــر ما يقــولو.. فوقك .. عرســــا..

بنــيتي حســــابك..
راجـل أوعـى.. تدلعـــا ..
وكان عاطت فوقك كورية أم قعار
في نـص راســـو .. أفلعــــا..
كان زعـل و إتنفخ أوعى .. تهببـــا ..
مرات يكون ولا زعلان .. لكن.. بيكضـبا..

بنـيـتي حســــابك..
إنتي أصحـي بـدري.. وتوبـك الفحــا..
وبيـوت حلـة.. بيت.. بيت.. إتفسـحا..
وكيـس وسـخ في خشـم باب.. أطــرحا..
بعـد شهـر تجي عربية.. تلفحـا..

بنــيتي حســـابك..
راجـل كان نـزل إنتخابات..أوعى ترشــحا..
وهـات الله.. يفوز.. فوقـك يعرســـا ..
وإنتـي تاكلـي نيـم .. ما تشــــبعا ...!!

بنــيتي حســــابك
[]