بسم الله الرحمن الرحيم
------------------------
اهلا يا حلووووين هتدعولى بجد
لان اكيد هتنافسوا تامر وعمرو دياب
واوعوا تنسوا تدعولى
دول كده شوى نصائح للولاد لزوم تزبيط البنات
متنسوش تدعولى قبل ما تقرأوا والنبى والنبى
أولا : البنت بتحب الولد التقيل خلى دمك تقيل عليها
سوق الرخامه عليها سوق التلامه والغلاسه
ولو ما بتعرفش تسوق
طلع رخصه..... مطلعتش....اضرب رخصه
ثانيا : البنت بتحب الولد الغنى اسرق .... انهب .....
اعمل اى حاجه عشان يبقى عندك فلوس
فلوس كتير... كتير اوى اوى اوى كمان مره ..
مش ضرورى حلال يستحب انها تكون كمان حرام
عشان تحس ان انت كريم عبد العزيز فى حرميه كيجى2
ولو ماعندكش فلوس ...... وفاشل ارسم عليها انك غنى اشتغلها.....
هو انت يعنى لاقى شغل يا فاشل اشتغلها واعملك شغلانه
ثالثا : البنت بتحب الولد الى ماتفهموش
خليك متخلف فى اسلوبك وطريقتك معاها
خليك اهبل فى كلامك ماتديهاش كلمه مفيده ابدا تفهمها منك
وان فهمت كلمه منك ارجع قولها عكسها
خليها تتهبل ولا تفهمش حاجه خالص
رابعا : البنت بتحب الولد الكداب افتح عليها علب
احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار الناس
وانك بتعرف كل حاجه فى الدنيا واهم حاجه انك بتعرف هى بتروح فين كل يوم
وبتخرج تهبب ايه وتقابل مين.
خامسا : البنت بتحب الولد الحبوب المحبوب
استخف نفسك وخليك كده فريش طول الوقت
وغلس على كل خلق الله وهزر فى اى وقت وبداعى ومن غير
حسسها ان كل الناس بتحبك تهزر معاهم.
سادسا : البنت بتحب الولد الى مش راجل
خليك ناعم كده وبسكوته وحساس اوى خالص جدا موت ع الاخر ياى
حس شويه
سابعا : البنت بتحب الولد الى يفهمها انها احلى بنت
اوصفلها فى جمالها واحكيلها قد ايه هى فاتنه
وحلاوتها مدوباك ومسهراك يا حبه عين امك
وان هى الوحيده فى العالم الل حلوه وهى بس الل يتبصلها
لان البنت لازم تحس انها احلى واحده
لان ماعندهاش عقل يفهم
ان ربنا فضل الناس على بعض فى خلقها واشكالها.
ثامنا : البنت تموت فى الولد الى شكله معتوه
البس لبس غبى ....لازم تسقط البنطلون
البس تيشيرتات مرسوم عليها فران وكلاب وحمير
البس جزم حمرا وكوتشات خضرا وخليك بلياتشو
حاول تغير فى اسلوب لبسك البس هدومك بالمقلوب
وبرضه ما تنساش تسقط البنطلون
ويا سلام لو هدومك مكتوب عليها صنع ف دلتاوى
طول شعرك ونزله على عنيك ولو شعرك اكرت طوله برضه
واحلق خط بعرض 3سم فى نص راسك بالطول
لو عمر دياب مره حلق حواجبه اوع تتردد اديها حواجب قرعه ع طول.
تاسعا : البنت بتحب الولد التافه
اتكلم ع التمثيليات وبرامج التليفزيون والاغانى الجديده والفيديوكليبات
والمطربات والمطربين وخد بالك من النقطه الجايه دى بقى
اقنعها ان انت صوتك حلو وبتغنى وقريب هيكتشفوا موهبتك
وهيخلوك تغنى فى برنامج مواقف وطرائف الحيوانات
عاشرا : البنت تحب الولد الى بيحب غيرها
عمرك سمعت عن بنت حبت واحد بيحبها
لاء طيب خد النصيحه دى..
اهم نصيحه وسر نجاح اى علاقه بأى بنت
البنت ماتحبش اى واحد يحبها.. وتحب اى واحد تكون هى ولا على باله ..
طنشها واركنها ولا تحسسها انها بنى ادمه
واهم حاجه الكلام الل فات ده كله شرط انك تعمله مع اكتر من بنت
ويستحب يكونوا خمس بنات او من مضاعفات العدد خمسه
لان ده الرقم الى بيمنع الحسد والنقص فى النسوان .
اوع تكون هى الوحيده فى حياتك ولو مش لاقى بنات تانيه غيرها
اتصرف...
صاحب اى شغاله ولا اى بياعه خضار ولا اى شحاته
((نوع كده وخليك واد كووووووول))
النتيـــــــــــجــة
هتعلق نص بنات الدنيا والنص التانى هيعلقهم واحد تانى قرأ نفس الموضوع
ولو انت وهو اتفقتوا سوا ممكن تبقوا تبادلوا مع بعض النص بتاعك
والنص بتاعه لو كل واحد اتخنق من النص بتاعه
طبعا هتسأل وباقى شبان الدنيا
يابنى دول خلاص ندهتهم النداهه كلهم كمنشات ومعظمهم مضحوك عليه
وعايش فى وهم معيشاه فيه بنت
بس انا عايز اقول ان مش كل البنات كده واكيد بنات الأهلى كايرو اجمل بنات ف الدنيا
بس بليز بليز اوع اى بنوته تدعى عليا حرام والله انكم تدعوا عليا
انا بس عاوز مصلحة الشباب مش اكتر
تمام كده يا شباب خدوا بنصيحتى ومتنسوش كل واحد يبدل النص بتاعه مع زميله
كلنا هنا اخوااااااااات هاااا اخوات ف كل حاجه واوع حد يقول ان البنوته دى اختى
خلى الحياه تمشى كده فله
هههههههههههههههههههههههههههههههههههههه
الإثنين يونيو 23, 2014 8:35 am من طرف 
