أنا شخصياً أقبل إن يكون فيه حد كان يحب حسني مبارك. ومقتنع برضه إن إذا
كنت بتحبه يبقى ممكن تدافع عنه بإقتناع. ده إذا كنت بتحبه مش أساساً خايف
وبتتمحك في حبه. أما إذا كنت بتماين على كفوف القوى فقد خسرت يا حقير. وده
طبعاً مش عيب على أي حيوان إنتهازي مقزز لا يفقه الإنسانية. وإذا كنت بتحب
حسني بجد فهذا في أغلب الأحيان بيبقى تخلف عقلي وعليك بالسرايا الصفرا قبل
ما تضيع حد معاك. أياً كانت دوافعك، إنت حر فيها ... بس لما تكون فنان يا
حبيبي إنت وهي.... قالولنا في أولى حضانة فن إن الفنان مرآة للشعب. ومحدش
قال إن المرآة دي هي هي بتاعت الساحرة الشريرة. إنتم بهدلتونا وشتمتونا
على أساس إن أنتم الوطنيون وإحنا أولاد الخونة. بصراحة لن أسامح أي منكم
وجه أو وجهت إتهامات كاذبة علينا إحنا وأبطالنا الشهداء. كيف تعيشون في
أمان بعد ذلك الآن؟ إذا إعتزلتم الفن هذه هي الفرصة الوحيدة لكي تعيشوا في
أمان لأن في ناس كتيرة دلوقتي مش طايقاكم. أخرجوا برة مجتمع الفن خالص.
إشتغلوا أي شغلانة تانية. أنتم كنتم تمارسون عهر السلطة وكمان الطالعة
اللي فاتت دي كانت شكك. يادي الرخص. أنتم دروس في ..... وكيف تعرض بلدك
للخطر لتفوز بجائزة حسني للنفاق. ده فيه منكم كتير إتبرعت بالنفاق ده
علشان تبان إنها جديرة بخير حسني عليها أو عليه. دة إنتم مدرسة يجب هدمها
بالكامل ويكون ليا الشرف أساهم في هذا الهدم
أحب برضه أضم إلى تلك
الفئة المنحلة الفئة الخسيسة أيضاً من الفنانين اللي لم يهون عليهم مساندة
أي طرف لكي لا يخاطروا إذا غلطوا يعني وساندوا الخاسر. شوف بقى فنان أو
فنانة وخايف يقول رأيه علشان حسابات شخصية وإحنا كلنا في ثورة وناس بتموت
في وسطينا وقوات أمن وغيرهم بتقتل في شعب لمدة ١٨ يوم. مش يوم ولا إثنين.
أنتم كنتم فين مش فاهم؟ والوطو بقى أني شايف حوارات كتيرة مع ناس "كانت"
نجوم وفاكرة إن الناس (اللي كانوا بيتفرجوا على هبلهم في الأعمال غير
الفنية اللي قضوا بيها على الصناعة) ما إتفرجتش على الثورة وما تعرفش إنهم
فنانين خسة وتسلق. اللي إنتم مش فاهمينه إن إنتم مفضوحين عند الناس كلها.
جاتكوا ستين نيلة وداء لكي تكفوا عن الفن. يا من لوثتموه بالرخص والفساد
والمرض. منين جايبين وش تتكلموا بيه على الثورة؟ الثورة دي كانت ضد
أمثالكم الفئران التي إعتادت الهروب الى جحورها العفنة. وحين تخرجون اليوم
من تلك الجحور فرائحتكم تسبقكم وتغبر صفائنا وتسلبنا الحب والراحة
والسلام. يا رب تفهموا وتمشوا أنتم كمان. يعني إيه تبقى فنان ولا يوجد
لديك أي مشاركة مع أو ضد أكبر ثورة في تاريخ بلدك؟ يعني إنت مش فنان أو
فنانة. إنت (.......)
وأخيراً أرفع القبعة لكل فنان بمعنى الكلمة إحتضن
الثورة عن قناعة وليس عن تسلق أو ركوب للموجة. الفنان اللي بجد عمره ما
بيركب الموجة لأنه بيبقى فيها من الأول.
يحيا الشعب ويسقط يسقط فنانين كتير.