شعبولا يغني لشعب تونس ويتعاطف مع بن علي ويشيد بالسعودية .. و''إييييييه'' !!








شعبان عبد الرحيم








قام المطرب الشعبي شعبان عبدالرحيم
بغناء أغنية جديد تحمل اسم "بنحب تونس" بعد أحداث الثورة التونسية الأخيرة
، حيث طالبهم فيها - على حد تعبيره - بالمحافظة على الوحدة وعدم استخدام
العنف .

وأبدى شعبان تعاطفه مع الرئيس التونسي المخلوع زين
العابدين بن علي"والله أنا محتار ومش متخيل اللي حصل ومش عارف همه مشوه من
البلد ليه؟ هل عشان هو غلبان ولا عمل حاجة وحشة الله أعلم، بس بصراحة أنا
لما كنت بشوفه في التليفزيون كان شكله غلبان لا بيهش ولا بينش" ، ثم أشاد
بالمملكة العربية السعودية لاستضافته قائلاً ""هي دي نخوة العرب وشهامتهم،
فرنسا رفضت تستقبله ومالطا برضه والسعودية هي اللي وافقت عشان هو مهما كان
برضه عربي ومننا وعلينا حتى لو غلط".

أغنية شعبان الجديدة من كلمات إسلام خليل كالعادة ، ويقول فيها :

عشان بنحب تونس

ونحب شعبها

بنقول يا رب تحفظ

بلادها وأرضها

تونس في قلب الأمة

تاريخ بقاله زمان

يا رب تزيل الغمة

وتعيش تونس في أمان

بالعقل يا شعب تونس

الجرح راح يتلم

مش بالخراب والفوضى

ولا بالخناق والدم

من تونس كله شرب

وكل من خيرها وعاش

لكن اللي سابها وهرب

أكيد محبهاش

نصيحة مني ليكوا

خلوا المحبة دليل

وبلاش تشمّتوا فيكوا

أمريكا وإسرائيل

صحيح في حاجات تحسر

وشباب كتير محتاج

لكن نحرق ونكسر

مش هو ده العلاج

يا ريتنا نفهم بقى

أعداءنا مين بجد

الغرب بتوع مصالح

ملهمش خير في حد

صداقات كلها وهمية

عالم ملهمش أمان

في رجولة السعودية

الناس الجدعان

يا ريت نحس بشعوبنا

ونحقق كل وعد

ونعرف إن العرب

ملهمش إلا بعض